Featured Post

Korean Phones වල Network Mode හදන හැටි

සෑහෙන කාලෙකින් ලියන්නේ මේ ටෙක්නිකල්  පෝස්ට් එකක්.අවුරුදු 10කට විතර කලින් මේ බ්ලොග් එක පටන් ගද්දි නම් හිතුවේ ටෙක්නිකල් දේවල් , එදින්නෙදා මාත්...

Wednesday, 29 April 2015


















සැබෑ ආදරය යනු..,
නෙළුම් පතක රැඳි දිය බිඳකි..
නෙළුම පත යනු හදවතයි,
දිය බිඳුව ඒ හදවතෙහි උපන් ආදරයයි..
නෙළුම පතෙහි වූ දිය බිඳුව
පොළොවට වැටුණු පසු
එකී නෙළුම් පතෙහි වූ අර දිය බිඳුව
තිබූ බවට සලකුණකුදු ඉතිරි නොවේ..
එසේම, දිය බිඳුව පොළොවට වැටුණු පසු,
එය පොළොවට උරාගනී..
යළි කිසිදු දිනෙක
කිසිදු ජගතෙකුට..
එකී දිය බිඳම යළි රැගෙන
නෙළුම්පත මත තැබිය නොහැකිය..
එමෙන්ම,
නෙළුම්පත වන් හදවතෙහි
දිය බිඳුව නම් ආදරය
නෙළුම් පතෙන් දිය බිඳ
වැටුනා සේ, එකී ආදරය
තවත් හදකට දුන් විට..
එවිට ඒ හදවතට වෙනත් හදකට
දෙන්නට තරම් ආදරයක් කිසිදින ඉතිරි නැත..
හරියට...
නෙළුම පතෙන් දිය බිඳ වැටුණු පසු
එහි සලකුණකුදු නෙළුම පතෙහි ඉතිරි නොවන්නා සේය..
එසේ හදකට ආදරය දුන් විට
එකී ආදරය යළි කිසිදිනක
නැවත ගත නොහැකිය..
හරියට...
නෙළුම පතෙන් ගිලිහුන දිය බිඳ
පොළොවට උරාගත් පසු..
යළි රැගෙන නෙළුම් පතෙහි
තැබිය නොහැක්කා සේය..

4 comments :

හිතට එන ‍ඕන දෙයක් ඕන විදියකට ලියන්න